肚屙

文章日期：01/18/2013 10:38 am

上個禮拜燒賣同coffee都肚屙, 仲發覺好嚴重屙到水既狀態, 食極藥都冇好轉, 我地完全唔知咩事, 唯有暫時唔比奶同雞肉佢地食(其實唔知邊樣野出錯), 不過情況都冇乜好轉, 好彩佢地除左屙之外冇乜其他唔妥仲可以玩得食得訓得, 每次老公靜靜雞帶左加菲入廚房食奶果陣佢地一定好有耐心係廚房門口等, 務求自己都一定有份食, 不過次次見到老公出黎熄燈冇野食比佢地就鬼咁失望。

(我地唔好曳乖乖排隊,爸爸可能就會比奶奶我地架啦)

早幾日老公係網上search吓其他辦法,
比佢發現有個blog友同我地一樣情況, 睇極醫生食極藥都唔掂,但有個養左好耐貓既人介紹佢比d貓食”樋屋奇應丸”,佢話比bb食得既, 貓唔會有害仲好有效, 佢係blog講比隻貓食10粒, 我老公真係買左盒試吓, 當然我地將10粒減到5粒試, 我地仲將本來係長放乾糧變成早晚放糧, 佢地真係好返, 不過實質係樋屋有效定唔放長糧有效就仲未知, 不過好返就已經放心哂。
佢地3隻大既由細到大腸胃真係麻麻地,好多時都肚屙,唔知係咪冇節制咁食,食到濟哂,不過呢幾日唔放長糧發現佢地痴身d,見到佢地成日想搵我攞野食跟出跟入,眼見好慘但其實我個心又有少少開心, 平時佢地食飽左彩我都有味,所以呢幾日我要好好享受吓先

(我個口好痕呀, 好想食野呀, 求你比我啦)

MI小米小米MI at 01/25/2013 01:03 pm comment

哎呀貓地好可愛好乖乖排隊呢....跟住個隊形架....

Catssss at 01/25/2013 02:15 pm reply

雖然佢地好乖乖排隊, 但爸爸都冇比野佢地食, 好鬼失落呀

我家仔仔 at 01/22/2013 10:44 am comment

妳俾咩奶貓地飲﹖

Catssss at 01/22/2013 02:18 pm reply

KMR貓奶粉, for幼貓用, 屋企果罐食哂就唔再餵啦, 因為佢地開始大, 應該乾糧或者雞肉就足夠佢地

包豆媽媽 at 01/21/2013 04:12 pm comment

排排坐，等........... 佢果嗲樣好可愛呀! 樋屋奇應丸都得

包豆媽媽 at 01/22/2013 10:50 am reply

我都覺得貓貓好容易軟便，我果兩隻都腸胃好敏感，有時食濕糧都會軟便，唔太嚴重就唔理! 我唔放長糧，香港天氣濕度高，我都怕放係到會變壞同麻會有塵埃! 但燒賣真係好嗲，暈晒

Catssss at 01/22/2013 10:21 am reply

燒賣好鬼衰架, 自己腸胃特別差但又好鬼胃食, 個口好似唔識停咁, 所以我地收起兜長糧, 佢就成日咁既樣啦 其實真係唔知樋屋有效定唔放長糧有效啦, 不過當佢work啦

哈碌 at 01/21/2013 12:10 pm comment

佢地三個肯著衫好得意呀! 而家冇事就安樂晒喇... 佢地仲未戒奶架?

Catssss at 01/22/2013 10:15 am reply

佢地又冇抗拒著衫, 可能習慣左 其實而家主要餵隻細既食奶, 如果食淨都會比埋佢地3隻食, 所以都算未戒奶,食埋屋企呢罐奶粉我諗我唔餵佢地啦, 因為佢地d腸胃麻麻

Oli at 01/20/2013 09:18 pm comment

三隻貓貓著左衫排排坐好得意 估唔到”樋屋奇應丸”work喎

Catssss at 01/21/2013 09:37 am reply

其實望見佢地屙左成個禮拜做乜都冇好轉都有d心痛,呢d咁偏門既方法都要試一試,但佢地又ok

lan at 01/19/2013 10:36 am comment

3隻好可觀既為食貓。

Catssss at 01/19/2013 07:11 pm reply

係呀，佢地真係名副其實既胃食貓